Gənc alim Günel Məliklinin “Xocalı soyqırımı bəşəriyyətə qarşı törədilən cinayətdir” adlı məqaləsi "Azərbaycan Ordusu" qəzetində çap olunub

AMEA-nın Fəlsəfə və Sosiologiya İnstitutunun şöbə müdiri, siyasi elmlər üzrə fəlsəfə doktoru, dosent Günel Məliklinin “ Xocalı soyqırımı bəşəriyyətə qarşı törədilən cinayətdir ” adlı məqaləsi Azərbaycan Respublikasının Müdafiə Nazirliyinin "Azərbaycan Ordusu" qəzetində çap olunmuşdur.
Məqalədə 1992-ci il fevralın 26-da qədim Xocalı şəhərinin misli görünməmiş qəddarlıqla məhv edilməsi, erməni hərbi birləşmələri 366-cı motoatıcı alayı ilə birlikdə qadınlara, uşaqlara, qocalara aman vermədən yüzlərlə insanı xüsusi vəhşiliklə qətlə yetirməsi, onları hərb tarixində analoqu olmayan işgəncə verməklə öldürülməsi, təhqirlərə məruz qoyulması, 1993-cü ildə Azərbaycan Prezidenti Heydər Əliyevin təşəbbüsü ilə fevralın 26-sı tarixi Xocalı soyqırımı günü kimi qəbul olunması, Prezident İlham Əliyevin uğurlu siyasi strategiyası "Xocalıya Ədalət!" kampaniyasının təşəbbüskarı olmaqla, Heydər Əliyev məktəbinin yetirməsi, Heydər Əliyev Fondunun vitse-prezidenti Leyla Əliyevanın siyasi fəaliyyəti ilə müstəqil Azərbaycanın çırpınan ürəyi kimi dünyanın ən mötəbər tribunalarından beynəlxalq terrora "Yox!" deyərək, Xocalı soyqırımına dair həqiqətlər haqqında dünya ictimaiyyətinə çatdırması kimi mühüm məsələlər göstərilir.
Məqalə ilə Azərbaycan Respublikasının Müdafiə Nazirliyinin "Azərbaycan Ordusu" qəzetinin 2022-ci ildə çap olunmuş 19 fevral № 14 (2625) və davamına isə 23 fevral № 15 (2626) nömrələrində tanış olmaq olar.
N-14.pdf [2,17 Mb] (Yüklənib: 6)
N-15.pdf [1,8 Mb] (Yüklənib: 5)