"Fəlsəfə Günü" münasibəti ilə Bakıda olan əlcəzairli filosofun təəssüratları

Ümumdünya Fəlsəfə Günü reflektiv bir hadisədir. Bu, hər bir ölkədə fəlsəfənin tədrisi baxımından görülən və görüləcək işlərin xülasəsi üçün istifadə edilməlidir. Bu, həm də insanlara öz şəxsi, maariflənmiş və azad şəxsiyyətləri haqqında düşünməyə kömək etmək baxımından faydalıdır (böyüklər, gənclər və hətta uşaqlar üçün).
Məhz bu münasibətlə özünü dünyada baş verənlərlə müqayisə edərək Azərbaycanda fəlsəfənin vəziyyətini öyrənmək üçün hər il sanballı tədbir təşkil edən Azərbaycan Milli Elmlər Akademiyasının Fəlsəfə və Sosiologiya İnstitutundan dəvət almışdım. 2022-ci il Əlcəzair, Mərakeş və Bolqarıstan onların diqqət mərkəzində olub.
Akademiyanın Fəlsəfə və Sosiologiya İnstitutunun qonaqları qəbul etməsi, punktual və işgüzarlığını hiss etdirən, mükəmməl nizam-intizamı və qonaqlarını səmimi qarşılamağı təmin edən direktor İlham Məmmədzadə və elmi heyətin başqalarının təcrübələrinə maraq göstərməsi olduqca əlamətdar idi.
Bakıya bu səfər qısa olsa da, valehedici idi. Şəhərin qonaqpərvər ev sahibləri nəzakətli, istiqanlı və mehribanlıqları ilə yanaşı, həm də təmkinli və diqqətcildir.
Təəssüf ki, mən fəlsəfə dərsliklərinə müraciət etmək üçün Azərbaycanca danışa bilmirəm, amma biz müzakirələr vasitəsilə hiss edirik ki, bu fənni idarə edənlər onu ictimaiyyətə çatdırmaq, yerli düşüncənin rəngarəngliyini təmsil etmək üçün əllərindən gələni edirlər. Filosoflara öz təşəbbüslərini davam etdirmək üçün vasitələr və gözləntilərini ifadə etmək imkanları yaradılmışdır.
Əlcəzairdə fəlsəfənin tədrisi üçün istifadə edilən vasitələri və müstəqillik əldə etdikdən sonra bu sahədə nələrin edildiyini və bir sıra proqramlarda Əlcəzair düşüncəsinin varlığı nisbəti haqqında özümə sual verərək, Azərbaycanda görülən işlər onların gələcək layihələrinin istiqamətləridir. İstənilən halda, yeniliyin, paylaşmanın, dostluğun və sayğı fəlsəfəsinin təlimdə yer aldığı artıq dəqiqdir. Bu, böyük bir ölkənin nailiyyətidir.
Bakıdakı bütün filosoflara təşəkkür edirəm və Yaşasın dostluq fəlsəfəsi!

Ouiza QALLEZE
Fəlsəfə elmləri doktoru - Əlcəzair.