25.02.2019, 14:53

Fəlsəfə İnstitutunda Xocalı soyqırımının 27-ci ildönümü ilə əlaqədar anım tədbiri keçirilib


Fəlsəfə İnstitutunda Xocalı soyqırımının 27-ci ildönümü ilə əlaqədar anım tədbiri keçirilibFevralın 26-da ermənilərin xalqımıza qarşı törətdikləri Xocalı soyqırımının 27-ci ili tamam olur. Xocalı soyqırımı Azərbaycan tarixinə ən dəhşətli və faciəli səhifələrdən biri kimi daxil olmuşdur. Bu münasibətlə AMEA Fəlsəfə İnstitutunda anım tədbiri keçirilib.
Tədbir Xocalı soyqırımı qurbanlarının xatirəsinin ehtiram sükutu ilə başlandı.
Tədbiri giriş sözü ilə açan Fəlsəfə İnstitutunun elmi işlər üzrə direktor müavini, f.ü.f.d., dosent Eynulla Mədətli vurğulayıb ki, 1992-ci il fevralın 26-da Xocalıda azərbaycanlılara qarşı törədilmiş soyqırımını 27 ildir faciə günü kimi anırıq. Azərbaycan xalqı iki əsrə yaxındır erməni şovinistlərinin davamlı olaraq etnik təmizləmə, soyqırım siyasətinə məruz qalmışdır. Azərbaycan xalqı tarixi torpaqlarından qovulmuş, qaçqına, məcburi köçkünə çevrilmiş və bütün bunlar xarici himayədarlarından güc alan ermənilər tərəfindən kütləvi qırğınlarla müşayiət olunmuşdur. XX əsrin faciəsi olan Xocalı soyqırımı da bu aqressiv və cinayətkar erməni siyasətinin davamıdır.
Fəlsəfə İnstitutunda Xocalı soyqırımının 27-ci ildönümü ilə əlaqədar anım tədbiri keçirilibBaşımıza gələn bu olaylardan sonra bizlər düşmənimizi və düşmənimizin himayədarlarını unutmamalıyıq. Bütün unutqanlıqlarımız sonda bizə ən ağır faciələr yaşadır. Amma, Azərbaycan xalqı təbii ki, bu işğalla barışmır və barışmayacaq da. Gec-tez işğal edilmiş torpaqlarımızı azad edəcəyik deyə, vurğulayan Eynulla Mədətli Xocalı faciəsinin beynəlxalq aləmdə tanıdılmasından da söz açıb; Heydər Əliyev Fondunun vitse-prezidenti Leyla Əliyevanın təşəbbüsü ilə 2009-cu ildən etibarən həyata keçirilən “Xocalıya ədalət” beynəlxalq təbliğat-təşviqat kampaniyasının fəaliyyət istiqamətlərindən də danışıb.
Sonra s.ü.f.d. Ruşan Ruşanzadə, i.ü.f.d. Əhməd Qəşəmoğlu, f.ü.f.d. Hüseyn İbrahimov, f.e.d. Fizuli Qurbanov, f.e.d. Aydın Əlizadə, f.ü.f.d. İradə Zərqanayeva və digər natiqlər öz çıxışlarında erməni silahlı qüvvələrinin Dağlıq Qarabağda törətdiyi vəhşiliklər və bunun kulminasiyası olan Xocalı faciəsindən, erməni silahlı birləşmələrinin qəddar əməllərindən və insanlığa sığmayan cinayətlərindən söz açdılar.

Fəlsəfə İnstitutunda Xocalı soyqırımının 27-ci ildönümü ilə əlaqədar anım tədbiri keçirilib
Fəlsəfə İnstitutunda Xocalı soyqırımının 27-ci ildönümü ilə əlaqədar anım tədbiri keçirilib
Fəlsəfə İnstitutunda Xocalı soyqırımının 27-ci ildönümü ilə əlaqədar anım tədbiri keçirilib